کەشناسی: نمە باران دەبارێت و هەورە بروسکە دەبێت

SNN-

کەشناسی هەرێم کەشوهەوای 48 کاتژمێری داهاتووی بڵاوکردەوە و رایگەیاند، نمەبارزن دەبارێت و لە هەندێک ناوچەش هەورە بروسکە دەبێت.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە، ئەمڕۆ شەممە 22- 4- 2023، ئاسمان ساماڵ و پەڵە هەور دەبێت هەندێ کات دەگۆڕێت بۆ نیمچە هەور لەگەڵ کشانەوەى تۆز و خۆڵ و زیادبوونى مەودای بینین لە کاتەکانى نیوەڕۆ وە لە ناوچەکانى ڕۆژهەڵاتى هەرێم و پلەکانی گەرماش نزمتر دەبنەوە.

هەروەها سبەی یەکشەممە 23- 4- 2023، ئاسمان لە نێوان هەور و نیمچە هەور دەبێت لە گەڵ بارینى کەمێک نمە باران و هەورە بروسکە لە ناوچەى جیا جیا بە تایبەت ناوچەکانى باشور و سلێمانى و هەڵەبجە و پلەکانیش گەرماش بە (1-2) پلە لە سەرجەم ناوچەکانى هەرێم بەرزدەبنەوە جگە لە پارێزگاى سلێمانى و هەڵەبجە کە پلەکانى گەرما کەمێک دادەبەزێت لە تۆمارکراوەکانى ئەمڕۆ.

بەرزترین پلەکانی گەرمای پێشبینیکراو بە پلەی سیلیزی
هەولێر : 26
سلێمانی : 23
دهۆک : 25
کەرکوک : 29
هەڵەبجە : 24
زاخۆ : 26
سۆران :22
گەرمیان : 31