رووسیا 20 دیپلۆماتكارى ئه‌ڵمانیا له وڵاته‌كه ده‌رده‌كات
ڤلادیمێر پۆتین سەرۆکی رووسیا
SNN
وته‌بێژى وه‌زاره‌تى ده‌ره‌وه‌ى رووسیا رایده‌گه‌یه‌نێت، له تۆڵه‌ى ده‌ركردنى دیپلۆماتكاره‌كانمان به كۆمه‌ڵ له به‌رلین، بڕیارمانداوه به ده‌ركردنى 20 دیپلۆماتكارى ئه‌ڵمانیا له مۆسكۆ.
دوێنێ هه‌ینى وه‌زاره‌تى ده‌ره‌وه‌ى ئه‌ڵمانیا كۆمه‌ڵێك دیپلۆماتكارى رووسیا كه له باڵیۆزخانه‌ى ئه‌و وڵاته له به‌رلین ئیشیان ده‌كرد به كۆمه‌ڵ ده‌ركرد.
له‌دواى ده‌ركردنى دیپلۆماتكاره‌كان وه‌زاره‌تى ده‌ره‌وه‌ى رووسیا به‌یاننامه‌یه‌كى بڵاوكرده‌وه و رایگه‌یاند، “ئیدانه‌ى ئه‌و كاره ده‌كه‌ین كه به‌رامبه‌ر دیپلۆماتكاره‌كانمان كراوه و به‌ڵێن ده‌ده‌ین كه بێ وه‌ڵام نابێت”.
ئه‌مڕۆ هه‌ینى 22ى نیسان، ماریا زاخارۆڤا، وته‌بێژى وه‌زاره‌تى ده‌ره‌وه‌ى رووسیا له لێدوانێكیدا وتى: “بڕیارماندا به ده‌ركردنى 20 دیپلۆماتكارى ئه‌ڵمانیا كه له مۆسكۆ كارده‌كه‌ن و ئاگادارمان كردوونه‌ته‌وه كه به‌زووترین كات وڵاته‌كه‌مان به‌جێبهێڵن”.
ماریا زاخارۆڤا ئه‌وه‌شى خسته‌ڕوو، “ئێمه بێده‌نگ نابین به‌رامبه‌ر ده‌ركردنى دیپلۆماتكاره‌كانمام”.
