نەوت لە بەسرە کارەساتی مرۆیی دروست کردووە
A girl carries her school bag as she walks in the Nahr Bin Omar village, across from the eponymous oil field and facility in Iraq's southern Basra governorate, on December 5, 2021. (Photo by Hussein FALEH / AFP) (Photo by HUSSEIN FALEH/AFP via Getty Images)
SNN
بەسرە لە سامان و هەناردەی نەوتی عێراقدا پشکی شێری بەردەکەوێت، بەڵام نەک هەر لە خێر و بێری ئەو سامانە نەحەساوەتەوە، بەڵکوو لەئێستادا بەهۆی بوونی ژمارەیەکی زۆر کێڵگەی نەوت و غازەوە رووبەڕووی کارەساتێکی مرۆیی بووەتەوە.
لەو بارەوە مەهدی تەمیمی بەڕێوبەری دەستەی مافی مرۆڤ لە بەسرە رایگەیاند، پرسی پیسبونی بەسڕە بەدەر لە قۆناغی دیاردە، چوەتە ناو بازنەی کارەساتی مرۆییەوە و لە ئێستادا ساڵانە زیاتر لە نۆ هەزار حاڵەتی شێرپەنجە لە پارێزگاکەدا تۆمار دەکات.
ئەوەشیخستەڕوو، “ئەگەر بارودۆخی ئێستا بۆ پێنج ساڵی دیکە بەمشێوەیە بمێنێتەوە و رێگەچارەیەک نەدۆزرێتەوە، ژمارەی توشبوانی شێرپەنجە ساڵانە چل هەزار کەس تێدەپەڕێت”.
سەبارەت بەهۆکارەکانی زیادبونی رێژەی شێرپەنجە، بەڕێوبەری دەستەی مافی مرۆڤ لە بەسڕە وتی، گازە ژەهراویەکان هەوری گەورە دروستدەکەن و کارلێک دەکەن لەگەڵ ئەو بارانانەی بەسەر پارێزگاکەدا دەبارێت جارێکی دیکە دێنەخوارەوە”.
