له واست زاوایه‌ك یه‌كه‌مین شه‌وى هاوسه‌رگیرییه‌كه‌ى له زینداندا به‌سه‌ربرد
وێنه‌ى ئه‌و زاوایه‌ى له پارێزگاى واست به تۆمه‌تى ته‌قه‌كردن ده‌ستگیر كرا | فۆتۆ: پۆلیسى واست
SNN
به تۆمه‌تى ته‌قه‌كردن له شه‌وى ئاهه‌نگى هاوسه‌رگرییه‌كه‌یدا زاوایه‌ك له لایه‌ن پۆلیسى واسته‌وه ده‌ستگیركرا.
شه‌وى رابردوو هه‌ینى 27ى ئایار، پۆلیسى پارێزگاى واست له به‌یاننامه‌یه‌كدا رایگه‌یاند، “كه‌سێكیان ده‌ستگیر كردووه كه له شه‌وى ئاهه‌نگى هاوسه‌رگرییه‌كه‌یدا به‌شێوه‌یه‌كى هه‌ڕه‌مه‌كى ته‌قه‌ى كردووه. له‌به‌ر ئه‌وه پۆلیس به ئه‌ركى خۆى هه‌ستاوه و ده‌ستگیرى كردووه”.
له به‌شێكى ترى به‌یاننامه‌كه‌دا ئه‌وه‌ش روونكراوه‌ته‌وه، “ته‌قه‌كردن به‌شێوه‌ى هه‌ڕه‌مه‌كى له‌نێو ئاهه‌نگ و له‌كاتى خۆشى ده‌ربڕیندا پێچه‌وانه‌ى یاسا و رێنماییه‌كانى وه‌زاره‌تى ناوخۆیه له‌به‌ر ئه‌وه ئه‌و زاوایه ده‌ستگیر كراوه و تاوه‌كو ئێستا ئازاد نه‌كراوه”.
پۆلیسى واست له به‌یاننامه‌كه‌دا باسى له‌وه‌شكردووه، “به‌هیچ شێوه‌یه‌ك له هیچ كه‌سێك قبوڵناكرێت جا هۆكاره‌كه‌ى هه‌رچى بێت به‌شێوه‌یه‌كى هه‌ڕه‌مه‌كى ته‌قه‌بكات، بۆ ئه‌وه‌ى ماڵ و موڵكى خه‌ڵك پارێزراو بێت”.
