ئاماری تووشبوون و گیانلەدەستدان بە تای خوێنبەربوون راگەیەندرا

SNN-
وەزیری تەندروستی حکومەتی هەرێمی کوردستان ڕایگەیاند، ژمارەی تووشبوون بە تای خوێنبەربوون بۆ 12 حاڵەت بەرزبووەوە.

ئەمڕۆ چوارشەممە، سامان بەرزنجی وەزیری تەندروستی هەرێمی کوردستان ڕایگەیاند، لە کۆی 25 گومانلێکراو 12 حاڵەتیان پشتڕاستبوونەتەوە کە تووشی تای خوێنبەربوون بوون و  پێنج لە تووشبووەکانیش گیانیان لەدەستداوە و حەوت تووشبووەکەی دیکەش چارەسەر وەردەگرن.

وەزیری تەندروستی نەخۆشییەکە بە مەترسیدا ناودەبات و دەڵیت:” ڕێژەی مردن لە نەخۆشییەکەدا بەرزە، بۆیە داوای لە هاووڵاتییان کرد پابەندبن بە ڕێنماییە تەندروستییەکانەوە و خۆیان بە دووربگرن لە سەربڕینی ئاژەڵ لە ماڵەکانیاندا”.