بانکی رافیدەین 150 ملیۆن دینار دەداتە هاووڵاتییان

SNN-

بانکی رافیدەین رایگەیاند، بڕیاریانداوە بڕی 150 ملیۆن دیانر وەک قەرز بدەنە فەرمانبەران و خانەنشینان و ماوەی گەڕانەوەشی 10 ساڵ دەبێت.

بانکەکە ئەمڕۆ پێنجشەممە لە راگەیەندراوێکدا بڵاویکردەوە، پێدانی قەرزەکە بە مەبەستی دروستکردن و کڕین و نۆژەن کردنەوەی یەکەی نیشتەجێبوونە و بڕی پێدانی قەرزەکەش لە پێنج ملیۆنەوە بۆ 150 ملیۆن دینار دەستپیدەکات و ماوەی گەڕانەوەشی بۆ 10ساڵە و بە سوودی لە 4%.

پێشتریش بانکە پێدانی قەرزی بەبڕی 150 ملیۆن دینار بۆ کارمەندانی ناوخۆ و هێزەکانی پۆلیس و وەزارەتى بەرگرى عێراق راگەیاند.

بەهۆی ئەوەی ئەو بانکە لقی لە هەولێر و سلێمانى نییە بۆیە پێدانی ئەو قەرزە هاووڵاتییانی هەرێمی کوردستان ناگرێتەوە.