ئاشكرا بوو كارمه‌نده‌كانى باڵیۆزخانه‌ى سوید له كوێن
سه‌لوان مۆمیكه، ئه‌و په‌نابه‌ره عێراقیه‌ى له سوید قوئانى سووتاند | فۆتۆ: AFP
SNN
وه‌زاره‌تى ده‌ره‌وه‌ى سوید رایگه‌یاند، له په‌یوه‌ندى به‌رده‌وامداین له‌گه‌ڵ كارمه‌ندانى باڵیۆزخانه‌كه‌مان له عێراق، ده‌شڵێن: “سه‌رجه‌م كارمه‌نده‌كانمان سه‌لامه‌تن و له شوێنێكى پارێزراون”.
ئه‌مڕۆ پێنجشه‌ممه 29ى حوزه‌یران، موقته‌دا سه‌در، رێبه‌رى ره‌وتى سه‌در له عێراق به‌یاننامه‌یه‌كى بڵاوكرده‌وه و ئیدانه‌ى سووتاندنى قورئانى كرد له سوید له‌لایه‌ن په‌نابه‌رێكى عێراقیه‌وه به‌ناوى سه‌لوان مۆمیكا، دواتر لایه‌نگرانى سه‌در رژانه به‌رده‌م باڵیۆزخانه‌ى سوید و چوونه نێو باڵیۆزخانه‌كه و كارمه‌نده‌كانى باڵیۆزخانه‌كه‌ش ناچاربوون له ده‌رگاى پشته‌وه باڵیۆزخانه‌كه چۆڵ بكه‌ن.
له یه‌كه‌مین كاردانه‌وه‌دا وه‌زاره‌تى ده‌ره‌وه‌ى سوید به كه‌ناڵى ته‌له‌فزیۆنى رووداوى راگه‌یاند، “ئاگادارى دۆخى باڵیۆزخانه‌كه‌مانین له عێراق و له په‌یوه‌ندى به‌رده‌وامداین له‌گه‌ڵیان”.
وه‌زاره‌تى ده‌ره‌وه‌ى سوید له‌باره‌ى چاره‌نووسى دیپلۆماتكاره‌كانیشیانه‌وه ئاشكراى كرد، “سه‌رجه‌میان سه‌لامه‌تن و له شوێنێكى سه‌لامه‌تدا پارێزراون”.
له‌باره‌ى رووداوه‌كه‌وه ئۆڵف كێرسه‌سه‌ن، سه‌رۆكوه‌زیرانى سوید ئه‌مڕۆ له‌به‌رده‌م میدیاكان له برۆكسل وتى: ” بابه‌تى سووتاندنى قورئان له‌به‌رده‌م مزگه‌وتى گه‌وره‌ى ستۆكهۆڵم یاسایی بووه، به‌ڵام مه‌عقول نه‌بووه”.
بڕیاره له كاردانه‌وه‌ى رووداوه‌كه‌دا، سبه‌ى لایه‌نگرانى موقته‌دا سه‌در خۆپیشاندانى ملیۆنى له‌به‌رده‌م باڵیۆزخانه‌ى سوید له به‌غدا ئه‌نجام بده‌ن.
