هاووڵاتیانى عێراق له پلهى یهكهمى گهشتیارانى ئێراندان
SNN
.ئهنجوومهنى گهشتیارى ئێران ئاشكرایدهكات، ساڵى رابردوو گهشتیارانى عێراق پلهى یهكهمى ئهو گهشتیارانهیان گرتووه كه سهردانى ئێرانیان كردووه
له راپۆرتى ئهنجوومهنهكهدا هاتووه، “ساڵى 2022 رێژهى 55٪ى ئهو گهشتیارانهى روویان له ئێران كردووه عێراقى بوون، ئهمهش بووهته هۆكارى ئهوهى ئابوورى ئێران بهڕێژهى 22٪ گهشه بهخۆیهوه ببينێت”.
بهپێى وردهكارى راپۆرتهكهى ئهنجوومهنى گهشتیارى ئێران، “ساڵى رابردوو بهشێوهیهكى گشتى ئێران بهڕێژهى 39.2% گهشهسهندنى بهخۆیهوه بینیوه، ئهمهش وایكردووه داهاتى گهشتیارى ئێران بهڕێژهى 4.6%ی كۆى داهاتى ناوخۆى ئێران پێكبهێنێت”.
لهبارهى ئهو ههلى كارانهى بههۆى گهشهسهندنى كهرتى گهشتوگوزار له ئێران رهخساون له راپۆرتهكهدا ئهوهشهاتووه، “بهڕێژهى 11.2% گهشهى سهندووه، له ئێستادا یهك ملیۆن و 44 ههزار كهس له ئێران لهم كهرتهدا كاردهكهن، ئهمهش واته رێژهى 6.1%ى كۆى ههلى كارى وڵاتهكه پێكدههێنێت”.
