لە ئەمریکا 103 کۆچبەر بەھۆی بەرزی پلەی گەرماوە گیانیان لەدەستدا
FILE - Migrants wait to cross the U.S.-Mexico border from Ciudad Juárez, Mexico, next to U.S. Border Patrol vehicles in El Paso, Texas, Wednesday, Dec. 14, 2022. A federal judge on Thursday temporarily blocked the Biden administration from ending a Trump-era policy requiring asylum-seekers to wait in Mexico for hearings in U.S. immigration court. (AP Photo/Christian Chavez, File)
SNN
ژمارەی بەو کۆچبەرە نایاسایانەی کە لە شەش مانگی یەکەمی ئەمساڵ لە سنووری نێوان ئەمریکا و مەکسیک بەھۆی بەرزی پلەی گەرماوە گیانیان لەدەستداوە، گەیشتووەتە 103کەس، پلەکانی گەرما بۆ نزيکی 40 پلە بەرزبوونەتەوە.
جەیسن ئۆونس بەرپرسی دەورییەی پۆلیسی سنووری ئەمریکا، لە تۆڕی کۆمەڵایەتی تویتەر پەیامێکی بڵاوکردەوە و رایگەیاند: “کاریگەری بەرزی لە رادەبەری گەرما لە سنووری باشووری رۆژئاوا بەردەوامە. لە سەرەتای ئەمساڵەوە، تیمەکانمان پێنج ھەزار و 91کەسیان رزگارکردووە کە کەوتبوونە ژێر کاریگەری بەرزی پلەی گەرما و 103کۆچبەری نایاسایی دیکەش بە شێوەیەکی تراژیدی بەھۆی بەرزی پلەی گەرماوە گیانیان لەدەستداوە”.
هەروەها، ھۆشداری دایە ئەو کۆچبەرانەی کە بەشێوەیەکی نایاسایی لە مەکسیکەوە دەیانەوێ بۆ ئەمریکا دەرباز بن و وتیشی: “بەھۆی تێپەراندنی سنوور بە شێوەیەکی نایاسایی ژیانتان مەخەنە نێو مەترسییەوە”.
لەلایەکی دیکەش، تیمی پاراستنی سنوور و گومرکی ئەمریکا لە ھەژماری تایبەتی خۆی لە تۆڕی کۆمەڵایەتی تویتەر پەیامێکی بڵاوکردەوە و تێدا رایگەیاند: تێنووێتی ھۆکاری سەرەکی گیانلەدەستدانەکانە و تەنھا لە ھەفتەی رابردوودا بەھۆی بەرزی پلەی گەرماوە 13کۆچبەری نایاسایی گیانیان لەدەستداوە و 226کەسیش لە کۆتا ساتدا رزگارکراون”.
لە راپۆرتەکانی پێشبینی کەشوهەوادا باس لەوە کراوە کە پلەکانی گەرما لە ویلایەتەکانی باشووری رۆژئاوای ئەمریکا لە نزیک سنووری مەکسیک لەم دواییانەدا گەیشتووەتە ئاستێکی مێژوویی و لە 40 پلەی سيليزی نزيک بووەتەوە.
