لە بارەی کڕینی پێوەری زیرەکەوە هاووڵاتییان ئاگاداردەکرێنەوە

SNN-

بەڕێوەبەرایەتی گشتی کارەبای سلێمانی ئاگاداری هاووڵاتییان دەکاتەوە کە بە هیچ جۆرێک لە دەرەوە پێوەری زیرەک نەکڕن تەنها ئەو پێوەرەی لای ئەوانە رێگەی پێدراوە.

بەڕێوەبەرایەتی گشتی كارەبای سلێمانی لە راگەیەندراوێکدا ئاگاداری هاوبەشان و دانیشتوانی ناو شاری سلێمانی دکاتەوە کە لە ئێستادا بەڕێوەبەرایەتییەکانى دابەشکردنى كاره‌بای ناوشارى سلێمانى، پێوەری زیرەکی تایبەت بە هاوبەشانی کارەبای دابینکردوە.

بەڕێوەبەرایەتییەکە دەشڵێت:” هەر هاووڵاتییەک لەکاتی مامەڵەی وەرگرتنی پێوەر بۆ خانوەکەی یان وەرگرتنی پێوەر بۆ نهۆمی دووەم پێویست ناکات لە دەرەوە پێوەر بکڕێت و تەنها پێوەری رێگەپێدراو لە ئیستادا ئه‌و پێوەری زیرەکەیه‌ كه‌ له‌وێنه‌كه‌دایه‌”.