“شاندێكى وهزارهتى دارایی ههرێم سهردانى بهغدا دهكات”
دراوى 25 ههزار دینارى عێراق
SNN
شاندێكى تهكنیكى وهزارهتى دارایی و ئابوورى حكومهتى ههرێمى كوردستان سهردانى بهغدا دهكات بهمهبهستى تاوتوێكردنى چۆنیهتى ناردنى شایسته داراییهكانى ههرێم.
ئهمڕۆ دووشهممه 31ى تهمموز، میدیاى پارتى دیموكراتى كوردستان لهسهر زارى سهرچاوهكانیهوه له وهزارهتى دارایی و ئابوورى حكومهتى ههرێم بڵاویكردهوه، “شاندێكى تهكنیكى وهزارهتى دارایی و ئابوورى حكومهتى ههرێم سهردانى بهغدا دهكات و لهگهڵ لایهنه پهیوهندیدارهكان كۆدهبێتهوه لهبارهى ناردنى شایستهداراییهكانى ههرێم كه له یاسایى بودجهدا جێگیر كراون”.
له وهڵامى ئهو پرسیارهى كهى شاندهكه رهوانهى بهغدا دهكرێت؟ بهرپرسهكهى وهزارهتى دارایی ئهوهشى خستووهتهڕوو، “هێشتا كهتهكه دیار نییه، چونكه شاندهكه چاوهڕێى وهڵامى بهرپرسانى حكومهتى ناوهندین، ئهگهر بهرپرسانى حكومهتى ناوهندى وهڵامیان بدهنهوه، ئهمڕۆ دهڕۆن، ئهگهریش نا له ههر رۆژێكى ترى ئهم ههفتهیهدا سهردانهكه دهكهن”.
لهبارهى ئهوهى لهگهڵ كێ كۆدهبنهوه؟ میدیاى پارتى دیموكراتى كوردستان ئاشكراى كردووه، “شاندهكه لهگهڵ بهرپرسانى وهزارهتى دارایی عێراق و چهند لایهنێكى تر كۆدهبێتهوه، لە کۆبوونەوەکەدا وردبینی و پێداچوونەوە بە سەرجەم داهات و خەرجییەکانی سەرەتای ئەمساڵی هەرێمی کوردستان دەکرێت”.
رۆژى پێنجشەممە 27ى تەممووز، شاندێکی حکومەتی هەرێمی کوردستان بە سەرۆکایەتی ئومێد سەباح، سەرۆکی دیوانی ئەنجوومەنی وەزیران سهردانى بهغدایان كرد، له درهنگانێكى شهودا رایانگهیاند، “لهگهڵ حكومهتى عێراق لهسهر شایستهداراییهكانى ههرێم رێككهوتوون”.
