داهاتى دوو ساڵى نهوتى ههرێم ئاشكرا بوو
دهرهێنانى نهوت و فرۆشتنى | فۆتۆ: EnRes Resources LLC
SNN
ئهندامێكى ئهنجوومهنى نوێنهرانى عێراق ئاشكرایدهكات، داهاتى نهوتى ههرێم تهنیا ماوهى دوو ساڵدا 12 ترلیۆن دینار بووه، دهشڵێت: “ههرێم یهك سهنت پاره و یهك قهتره نهوتى نهداوه به بهغدا له ماوهى دوو ساڵدا”.
مستهفا سهند، ئهندامى ئهنجوومهنى نوێنهرانى عێراق له نوێترین چاوپێكهوتنى تهلهفزیۆنیدا لهگهڵ كهناڵى ئیتیجاهى عهرهبى رایگهیاند، “داهاتى نهوتى ههرێم تهنیا له ساڵى 2021دا شهش ملیار دۆلار واته زیاتر له 9 ملیار دینار بووه”.
وتیشى : “داهاتى نهوتى ههرێم له ساڵى 2022دا زیاتر له ملیارێك دۆلار بووه و به ههردوو ساڵهكهوه داهاتى نهوت گهیشتووهته زیاتر له 12 ملیار دينار”.
به پێى وتهى ئهو ئهندامهى ئهنجوومهنى نوێنهرانى عێراق، “ههرێم لهو ماوهیهدا ئاماده نهبووه یهك سهنت یان قهترهیهك نهوت رادهستى بهغدا بكات، بهڵام له بهرامبهردا نهشیتوانیوه دۆخى دارایی ههرێم باش بكات”.
قسهكانى ئهو ئهندامهى ئهنجوومهنى نوێنهرانى عێراق لهكاتێكدایه كه بهپێى داتاكانى كۆمپانیاى دیلۆیت كه وردبینى داهات و خهرجى نهوتى ههرێم دهكات، له ساڵى 2021 و 2022دا بڕى داهاتى بهدهستهاتوو له نهوتى فرۆشراوى ههرێم بریتیه له 21,548,247,950 دۆلار، بهڵام بههۆى زۆرى تێچووى وهبهرهێنانى نهوتى ههرێم و كرێى كۆمپانیا نهوتیهكان كهمتر له 40٪ى داهاتهكه گهڕاوهتهوه خهزێنهى حكومهتى ههرێم.
