رەشەباکەی سلێمانی کەی کۆتایی دێت؟

SNN-

کەشناسی سلێمانی رایگەیاند، ئەم رەشەبایەی شاری سلێمانی گرتووەتەوە و ئەمڕۆش بەردەوام دەبێت و سبەینێ خێراییەکەی کەمدەبێتەوە بەڵام ناو بەناو چالاک دەبێتەوە و پلەکانی گەرماش بە جێگیری دەمێننەوە.

ئاسۆ کەمال، بەڕێوەبەری کەشناسی سلێمانی بە SNN-ی راگەیاند، لە دوێنێوە لە سلێمانی و دەوروبەری خێرایی با چالاک بووە بە ئاڕاستەی باکور بۆ باکوری رۆژهەڵات لە دەرئەنجامی ئەو جیاوازییە گەرمییەی لە ناوچەکەدا هەیە پەستان دروست بووە و نزمە پاڵپەستۆ دروست بووە و دەبێتە هۆی زیادبونی خێرایی با کە بۆ سبەینێش بەردەوامی دەبێت، بەڵام بەشێوەی ناوبەناو چالاک دەبێتەوە.

سەبارەت بە بەرزبوونەوەی پلەکانی گەرما ئاسۆ کەمال وتیشی: پلەکانی گەرما بەمشێوەیەی ئێستا بە جێگری دەمێننەوە تا چەند رۆژی داهاتوو.