ڤلادیمێر پوتین: رۆژئاوا به‌نزیك به ئاگرى شه‌ڕى ئۆكرانیادا ده‌كات
ڤلادیمێر پوتین، سه‌رۆكى ڕوسیا | فۆتۆ: Thibault Camus/Reuters
SNN
سه‌رۆكى رووسیا رایده‌گه‌یه‌نێت، ئه‌مریكا ده‌یه‌وێت په‌یوه‌ندییه‌كانى خۆى له ئاسیا و زه‌ریاى هێمن دابڕێژێته‌وه به‌شێوه‌یه‌ك كه خزمه‌ت به به‌رژه‌وه‌ندییه‌كانى خۆى بكات، ده‌شڵێت: “ڕۆژئاوا به‌نزین به ئاگرى شه‌ڕى ئۆكرانیادا ده‌كات”.
ئه‌مڕۆ سێشه‌ممه 15ى ئاب، ڤلادیمێر پوتین، سه‌رۆكى رووسیا له وتارێكى ڤیدیۆییدا كه له‌میانى یازده‌هه‌مین كۆنفرانسى نێوده‌وڵه‌تى بۆ ئاسایشى نێوده‌وڵه‌تى پێشكه‌شیكرد وتى: “ئه‌وه‌ى له ئۆكرانیا رووده‌دات له ئه‌نجامى بێباكى رۆژئاوایه و ئه‌وه‌ى وڵاتانى رۆژئاوا ده‌يكه‌ن له‌باره‌ى شه‌ڕى ئۆكرانیاوه وه‌ك ئه‌وه وایه به‌نزین به ئاگردا بكه‌یت”.
له به‌شێكى ترى قسه‌كانیدا سه‌رۆكى رووسیا باسى له سیاسه‌تى ئه‌مریكا له ئاسیا كرد و ئه‌وه‌شى خسته‌ڕوو، “ئه‌مریكا له ئێستادا له هه‌وڵدایه بۆ ئه‌وه‌ى سیستمى په‌یوه‌ندییه نێوده‌وڵه‌تییه‌كانى له ئاسیا و زه‌ریاى هێمن دابڕێژێته‌وه به‌شێوه‌یه‌ك كه له خزمه‌تى به‌رژه‌وه‌ندییه‌كانیدا بن”.
ڤلادیمێر پوتین ئه‌وه‌شى روونكرده‌وه، “به‌شێك له وڵاتان ده‌یانه‌وێت ململانێكان قوڵتر بكه‌نه‌وه و به‌شێكى تر له وڵاتان ناچارى خواسته‌كانى خۆیان بكه‌ن”.
به وته‌ى سه‌رۆكى رووسیا، “وڵاتانى رۆژئاوا ده‌یانه‌وێت زۆرترین وڵات رابكێشنه ناو ململانێكانى تایبه‌ت به شه‌ڕى ئۆكرانیا بۆ ئه‌وه‌ى ئاگرى شه‌ڕه‌كه خۆشتر بكه‌ن”.
