شارەزایەکی کەشناسی: وەرزی دابارینی داهاتوو زوتر دەستپێدەکات

SNN-

کەشناسی هەرێم ئاماژە بەوە دەکات کە سبەینێ پلەکانی گەرما کەمێک بەرزتر دەبنەوە و شارەزایەکی کەشناسیش دەڵێت:”لەمەودای هەفتەی کۆتایدا قۆناغێکی تری دابەزینی پلەکانی گەرما دەست پێبکات و پلەکانی گەرما چەند پلەیەکی تر دادەبەزێت کەش زیاتر دەگۆڕێت لەناوچەکانمان”.

شاڵاو هیدایەت، شارەزای کەشناسی زانیاری لەسەر وەزری دابارین داهاتوو ئاشکرا دەکات و دەڵێت:” لەمەودای هەفتەی کۆتایی ئەم مانگەو بەولاوە بارستە هەوایه ساردهکانی جەمسەری باکور دادەبەزن بەرەو ناوچەکانی خوارەوە بەرە بەرە نزمە پەستاکانیش چالاک دەکات و چالاکتر دەبن ئەمەش نیشانەی زۆر باشە بۆ لای خۆمان بەو واتایای کەشەکە زوو دەگۆرێت و وەرزی دابارینی داهاتوو زوتر دەستپێدەکات”.

شاڵاو هیدایەت، دەشڵێت:” دروست بوونی نزمە پەستانێکی کلاسیکی کە هەڵگڕی هەوای ساردو فێنکە لەسەر خۆرهەڵاتی ئەوروپا و خۆرئاوای ڕوسیا لەمەودای هەفتەی کۆتایی ئەم مانگەدا، دەبێتە دابەزینی پلەکانی گەرما لەسەر ناوچەکانمان بۆیە لەمەودای هەفتەی کۆتایدا قۆناغێکی تری دابەزینی پلەکانی گەرما دەست پێبکات و پلەکانی گەرما چەند پلەیەکی تر دادەبەزێت کەش زیاتر دەگۆڕێت لەناوچەکانمان”.

دەشڵێت: قۆناغ بەقۆناغ وەرزی گەرمای ئەمساڵ ماڵئاوایمان لێدەکات سەرەتاش لەناوچە شاخاویەکان و دواتریش دەشتایەکان و گەرمەسێرەکان لەم مانگەدا لەناوچە شاخاویه کان تەواو فەرق دەکات تایبەت ناو هەفتەی کۆتایی بۆ لای کۆتایی مانگەکەو بەولاوا لەمانگی نۆشدا دوای ماوەیەکی کەمی سەرەتا لەدەشتایی و گەرمەسێریەکانیش وەرزی گەرما بەرەو کشانەوە دەروات “.

بەرزترین پلەکانی گەرمای پێشبینیکراو بە پلەی سیلیزی :
هەولێر : 44 پلەى سیلیزى
سلێمانی : 42پلەى سیلیزى
دهۆک : 44 پلەى سیلیزى
کەرکوک : 48 پلەى سیلیزى
هەڵەبجە : 44 پلەى سیلیزى
زاخۆ : 46 پلەى سیلیزى
حاجی ئۆمەران : 30 پلەى سیلیزى
سۆران : 44 پلەى سیلیزى
گەرمیان : 49 پلەى سیلیزى