قائانی بۆ میلیشیا شیعەکان “چالاکیەکانتان دژی ئەمریکا لە عێراق ڕابگرن”
ئیسماعیل قائانی فەرماندەی فەیلەقی قودس
SNN
سەرچاوە عێراقییەكان بۆ ڕۆژنامەی عەرەب جەدید ئاشكرایانكردووە، ئیسماعیل قائانی، فەرماندەی فەیلەقی قودسی ئێران، رۆژی سێ شەممەی رابردوو, بە نهێنی سەردانی عێراقی كردووە.
قائانی لەسەردانەكەیدا بۆ بەغدا چاویكەوتووە بە چەندین سەركردەی میلیشیا چەكدارە عێراقییەكان، كە تاران پشتیوانیان دەكات، ئامانجی سەردانەكە، وردەكاری رێككەوتنی ستراتیجی ئەم دواییەی نێوان بەغدادو واشنتۆن و ناكۆكی نێوان میلیشیاكان و حكومەتی عێراق و پێویستی هێوركردنەوەی ململانێكان بووە.
قائانی داوای لە دەستەی هەماهەنگی بەرهەڵستكارانی ئیسلامی كردووە، سەرجەم كردەوە سەربازییەكانیان دژی ئەمریكاو هاوپەیمانی نێودەوڵەتی لەم كاتەدا رابگرن.
بابەتێكی تری سەردانەكەی قائانی بۆ بەغدا، بابەتی حزبە كوردییە ئۆپۆزسیۆنەكانی تارانە, كە لەهەرێمی كوردستان نیشتەجێن، قائانی داوای لە حكومەتی عێراق كردووە، بەدواداچوون بۆ ئاگاداركردنەوەكەی ئێران بكات، سەبارەت بە چەكداماڵینی حزبە كوردییەكان.
