پەرلەمانتارێک دیارترین خاڵی ناکۆکی نێوان هەرێم و بەغدا لەسەر یاسای نەوت و غاز ئاشکراکرد

SNN

پەرلەمانتارێکی سەر بە هاوپەیمانی دەوڵەتی یاسا ئەو خاڵانەی خستووەتە ڕوو، کە هەرێم و بەغدا لەسەر تێپەڕاندنی یاسای نەوت و غاز ناکۆکن.

ئەحمەد فەوواز وەتیفی پەڕلەمانتاری دەوڵەتی یاسا لە لێدوانێکی رۆژنامەوانییدا رایگەیاند، گرنگترین ئاستەنگی لە بەردەم تێپەڕاندنی یاسای نەوت و غاز، هەبوونی ناکۆکییە لەسەر میکانیزمی هەناردەکردنی نەوت و داهاتەکانی نەوت لە نێوان بەغدا و هەرێمدا، هەر بۆیە بە دەرکردنی یاسای نەوت و غاز دەتوانرێت کۆتایی بە ناکۆکییەکانی نێوان حکومەتی بەغدا و هەرێمی کوردستان بهێنرێت.

ئەو پەرلەمانتارە ئاماژەی بەوەکردووە، جگە لەبابەتی میکانیزمی هەناردەکردنی نەوت ‌و داهاتەکانی نەوت، پرسی دەسەڵاتی هەرێم ‌و پارێزگاکان لە ئیدارەدانی دامەزراوە نەوتییەکاندا یەکێکی ترە لەو خاڵانەی هەرێم‌و بەغدا لەسەری ناکۆکن.