لەسەر هێڵی ئینتەرنێت وەزیری پەیوەندییەکانی عێراق دەدرێت بە دادگا

SNN

سکاڵایەک دژی وەزیری پەیوەندییەکانی عێراق تۆمارکراوە، بەهۆی ئەوەی مافی گشتی پێشل کردووە و بڕیاریداوە لە کاتی تاقیکردنەوە گشتییەکانی کۆتایی ساڵدا هێڵەکانی ئینتەرنێت رابگیرێت.

لە دادگای کەرخ ساکاڵا دژی هویام عەبود وەزیری پەیوەندییەکانی عێراق تۆمارکراوە، کە بە بڕیاری ئەو وەزیرە لە ماوەی تاقیکردنەوە گشتییەکانی کۆتایی ساڵدا هێڵی ئینتەرنێت ببڕدرێت، واتە لە کاتژمێر چواری بەیانییەوە بۆ هەشتی بەیانی ئینتەرنێت نەمێنێت.

ئاماژە بەوەکراوە، وەزیرى پەیوەندییەکانى عێراق دەیتوانى بە شێوەیەکی تر رێگری لە دزەکردنى پرسیاری تاقیکردنەوە گشتییەکان بگرێت، بەشێوەیەک مافی گشتی پێشێل نەکرێت، هەروەک لە دەستوری عێراقدا هاتووە مافی بەکارهێنانی ئینتەرنێت چەسپاوە و نابێت هیچ کەسێک بەربەست بۆ بەکارهێنانی ئینتەرنێت دروست بکات.

ئەوەشخراوەتە روو، سکاڵاکار داوا دەکات وەزیرى پەیوەندییەکان قەرەبوى ئەو زیانانە بکاتەوە کە بەهۆى وەستانى ئینتەرنێتەوە زیانی 150 ملیۆن دیناری پێگەیشتووە.

بۆ ماوەی زیاتر لە پێنج ساڵە لە عێراق و هەرێمى کوردستاندا بۆ رێگریکردن لە دزەپێکردنى پرسیارەکانى تاقیکردنەوە گشتییەکانى خوێندکاران، هێڵى ئینتەرنێت بۆ چەند کاتژمێرێک دەبڕدرێت.