هەفتەی داهاتوو سوارێز بەتەواوی دەگەڕێتەوە

SNN Sport

پێشبینی دەکرێت لویس سوارێزی ئۆرۆگوایی و هێرشبەری بە توانای یانەی بەرشەلۆنە،هەفتەی داهاتوو بە تەواوی لە پێکان چاک ببێتەوە وئامادەی یاریکردن بێت.

پێی نوێترین هەواڵ کە رۆژنامەی مۆندۆ دیپۆرتیڤۆ بڵاویکردووەتەوە، رۆژی دووشەممەی داهاتوو پزیشکەکانی یانەی بەرشەلۆنە گلۆپی سەوز  بۆ لویس سوارێز هەڵدەکەن و ئەو یاریزانە کۆتایی بە  گشت قۆناغەکانی چارەسەری پێکانەکەی دەهێنێت.

سوارێز کە لە ئێستادا مەشق و راهێنانی بە کۆمەڵ لەگەڵ یاریزانانی هاوڕێی دەکات،هێشتا پزیشکەکانی یانەکەی گلۆپی سەوزیان بۆ پێکانەکەی هەڵنەکردووە، کە پێش زیاتر لە 3 مانگ  بەهۆی بوونی ئازارەوە نەشتەرگەری لە ئەژنۆیدا ئەنجامدا.

چاوەڕوان دەکرێت لە 11ی مانگی داهاتوو  یارییەکانی ئەم وەرزەی خولی ئیسپانیا دەستپێبکاتەوەو بەرشەلۆنە رووبەرووی ریاڵ مایۆرکا دەبێتەوە، سوارێزیش دەتوانێت یاری بکات.

سوارێز یەکێکە لە یاریزانە سەرەکییەکانی یانەی بەرشەلۆنە، کیکی سیتین لەگەڵ میسی لە هێڵی پێشەوە پشتی پێدەبەستێت.