دابەشکردنی مووچەی مانگی نۆ لە عێراق دەستیپێکرد

SNN

بانکی ڕافیدەین و ڕەشید دەستیان بە دابەشکردنی مووچەی خانەنشینانی عێراق کردووە بۆ مانگی ئەیلوول.

لە راگەیەنراوێکی نووسینگەی ڕاگەیاندنی بانکی رافیدەین ئاماژە بەوەکراوە، ئەمڕۆ دوو شەممە 4ی ئەیلوول دابەشکردنی مووچەی خانەنشینانی مەدەنی و سەربازی بۆ مانگی ئەیلول دەستیپێکردووە، خانەنشینان دەتوانن لە هەر شوێنێک بن بەکارتی ئەلیکترۆنی مووچەکانیان وەربگرن.

راگەیەنراوێکی بانکی رەشیدیش ئەوەی خستووەتە ڕوو، دەستی کردووە بە خەرجکردنی مووچەی خانەنشینانی مەدەنی و سەربازی بۆ مانگی ئەیلول، داوا لە هەڵگرانی کارتی نەخیل دەکات سەردانی لقەکانی بانک و نوسینگەکانی خەرجکردنی پارە بکەن، بۆ ئەوەی بەشێوەیەکی ئەلیکترۆنی موچەکانیان وەربگرن.

دابەشکردنی مووچەی مانی ئەیلوول لە عێراق لە کاتێکدایە، لە هەرێمی کوردستان مووچەی مانگی تەمموز و ئاب دابەش نەکراوە، مامۆستایان و فەرمانبەران تەنها مووچەی مانگی حوزەیرانیان وەرگرتووە.