وەزارەتی دارایی: باجدان مافی گشتییە و خۆدزینەوە لێی تاوانێكی گەورەیە

SNN-

وەزارەتی دارایی و ئابوری حکومەتی هەرێمی کوردستان ڕوونكردنەوەیەكی سەبارەت بە وەرگرتنی باج لە كۆمپانیا و بازرگانەکان بڵاوکردەوە و رایگەیاند، وەرگرتنی باج بە یاسا و دەستوور ڕێكخراوە و پاراستنی ماڵی گشتیی.

بەڕێوەبەرایەتی گشتی باجەكان و حانووبەرەی میری لە وەزارەتی دارایی لەروونکردنەوەیەکدا ئاماژەی بەوەکردووە باج مافی گشتییە و خۆدزینەوە لێی تاوانێكی گەورەیە بەپێی یاسا و ڕێنماییەكان، هەروەها خۆدزینەوە لە باج دیاردەیەكی نامۆ و قێزەونە، چونكە ڕاستەوخۆ تەحەدایە لەسەر مافی هاووڵاتیان و حكومەت.

دەشڵێت:” بەپێی بڕیارەكانی حكومەت ئەركی دامەزراوە و فەرمانبەرانی باجە ڕێگری بكەن لەم دیاردە مەترسیدارە بەتایبەتی، كە ئێستا كوردستان بە قۆناغێكی سەختی داراییدا تێدەپەڕێت”.