تورکیا کێشە بۆ هەناردەکردنی نەوتی هەرێم دروستدەکات

SNN

ئەندامێکی لیژنەی نەوت و غاز لە ئەنجومەنی نوێنەرانی عێراقدا رایگەیاند، تورکیا جگە لە بۆردومانکردنی خاکی وڵات و بێبەشکردنی وڵات لە سەرچاوەکانی ئاو، لە ئێستادا ئاستەنگی بۆ هەناردەکردنی نەوتی هەرێم لە رێگەی بەندەری جەیهانەوە دروست دەکات.

کازم توکی ئەندامی لیژنەی نەوت و غاز لە ئەنجومەنی نوێنەرانی عێراقدا رایگەیاند، سیاسەتی تورکیا بەرامبەر بە عێراق نادادپەروەرانەیە چ لە رووی بۆردومانکردنی خاکی وڵات و بێبەشکردنی وڵاتە لە سەرچاوە ئاوییەکان، ئێستاش دەیەوت کێشە بۆ هەناردەکردنی نەوتی هەرێم لە بەندەری جەیهانەوە دروست بکات، ئەنقەرە دۆسیەی نەوت و ئاو دژی بەغدا بەکاردەهێنێت و ئاستەنگی دروست دەکات.

سەبارەت بەو کێشانە ئەندامەکەی لیژنەی نەوت و غاز ئاماژەی بەوەکردووە دوای راگرتنی ھەناردەی نەوت لەرێگەی تورکیاوە، پێویست دەکات حکومەتی عێراق رێگەیەکی تر بدۆزێتەوە بۆ هاوردەکردنی نەوتی هەرێم.