“رێژهى 57٪ى تووندوتیژى و دهستدرێژییهكان پیاوان بهرامبهر ژنانى ئهنجام دهدهن”
كهسێك كه تووندوتیژى بهرامبهر كراوه | فۆتۆ: MUNDO
SNN
بەڕێوەبەری بەڕێوەبەرایەتی پاراستنی خێزان و منداڵ لە تووندوتیژی خێزانی عێراق رایگهیاند، رێژهى 57٪ى تووندوتیژى و دهستدرێژییهكان پیاوان بهرامبهر ژنانى ئهنجام دهدهن لهناو كۆمهڵگهى عێراقیدا، “وتیشى: “17٪ى تووندوتیژییهكان ژنان ئهنجامیدهدهن”.
لیوا عەدنان حەمود، بەڕێوەبەری بەڕێوەبەرایەتی پاراستنی خێزان و منداڵ لە تووندوتیژی خێزانی سەربە وەزارەتى ناوخۆیی عێراق به میدیاى نیمچه فهرمى حكومهتى عێراقى راگهیاند، “بەپێی ئهو ئامارانهى كه له وەزارەتی ناوخۆی عێراق تۆمار كراون لەسەدا 57٪ى دهستدرێژى و تووندوتیژییەكان لەلایەن پیاوانەوە بۆ سەر هاوسەرەكانیان ئەنجامدەدرێت، لەسەدا 17٪یش بە پێچەوانەوە ژنان بەرامبەر بە مێردەكانیان دەیكەن”.
لهبارهى ئامارى جۆرهكانى تى تووندوتیژى بهتایبهت ئهوهى پهیوهندى به تووندوتیژى دایكان و باوكان بۆ سهر خێزان ههیه، لیوا عەدنان حەمود وتیشى: “تووندوتیژیی و دەستدرێژی دایكیان و باوكان بۆ سەر منداڵەكانیان بە رێژەی 6٪، هەروەها دەستدرێژی بۆ سەر كەسانی بەساڵاچوو 2٪، 18٪كەی تری تووندوتیژیی و دەستدرێژی تری خێزانییە لەوانەش برا بەرامبەر بە برا، یان خوشك، یان تووندوتیژی زارەكی”.
له ئێستادا له سهرتاسهرى عێراق هێڵى گهرمى 139 ههیه بۆ پهیوهندیكردن به حكومهت لهكاتى ههستكردن به تووندوتیژى خێزانى، لهبارهى رێژهى پهیوهندیكردن بهو هێڵهوه بەڕێوەبەری بەڕێوەبەرایەتی پاراستنی خێزان و منداڵى عێراق وتیشى: “بە تێكڕای رۆژانە 90 پەیوەندی بەو هێڵە گەرمەوە دەكرێن”.
