ئەمریکا لەسەر دۆلار عێراق ئاگادار دەکاتەوە

SNN

وەزارەتی گەنجینەی ئەمریکا هۆشداریی دەداتە عێراق و رایدەگەیەنێت، رێکارەکان دژی ئەو بانکانە توندتر بکاتەوە کە بە خراپی مامەڵە لەگەڵ دۆلاردا دەکەن، بۆ ئەوەی خۆیان سزایان نەدات.

ئەمڕۆ شەممە 16ی ئەیلول، وەزارەتی گەنجینەی ئەمریکا راگەیەنراوێکیان بڵاوکردووەتەوە و ئاماژەیان بەوەکردووە، چەندین جار گفتوگۆ و دانوستانیان لەگەڵ عێراقدا کردووە، لێپرسراوانی بانکی ناوەندنی ئەمریکا پێیان وتوون “پێویستە رێکاری توند بیگیرێتە بەر بەرامبەر ئەو کەس و بانکانەی بەشێوەیەکی خراپ مامەڵە لەگەڵ دۆلاردا دەکەن”،بەتایبەت پرسی بەقاچاخبردنی دۆلار بۆ دەرەوەی عێراق.

ئەوەشخراوەتە ڕوو، ئەگەرچی سزا  بەسەر چەند بانکێکی عێراقدا سەپێنراوە، بەڵام تاکو ئێستا هەندێک بانک بەشێوەیەکی خراپ مامەڵە لەگەڵ دۆلاردا دەکەن، هەر بۆیە ئەگەر بانکی ناوەندی عێراق رێکار و رێوشوێنی توند لە دژیان نەگرێتە بەر ئەمریکا سزای نوێیان بەسەردا دەسەپێنێت.