یەکێتی ئەوروپا: بەداخەوەین بۆ ئەو هێرشەی کرایە سەر فڕۆکەخانەی عەربەت

SNN

یەکێتی ئەوروپا لە تۆڕی کۆمەڵایەتی “ئێکس” لەبارەی بۆردومانەکەی فڕۆکەخانەی عەربەتەوە، هاوخەمی خۆی دەربڕیوە و پشتیوانی لە یەک پارچەی خاکی عێراق دەکات.

ئەمڕۆ چوارشەممە یەکێتی ئەوروپا لە پێگەی “ئێکس” سەبارەت بە رووداوی بۆردومانەکەی فڕۆکەخانەی کشتوکاڵی عەربەت نوسیوویەتی، “هەوخەمی خۆمان دەردەبڕین بۆ ئەو کەسانەی لە ئەنجامی هێرشەکەی سەر فڕۆکەخانەی عەرەبەت سەر بە پارێزگای سلێمانی گیانیان لەدەستداوە”.

لە بەشێکی تری نوسراوەکەدا هاتووە “پشتیوانی یەک پارچەی خاکی عێراق دەکەین، سەروەری عێراق لە پێشەنگی نیگەرانییەکانی سیاسەتی دەرەوەی یەکێتی ئەوروپا دەمێنێتەوە”.

ئەمە لە کاتێکدایە رۆژی دووشەممەی رابردوو 18ی ئەیلول، لە رێگەی درۆنەوە فڕۆکەخانەی کشتوکاڵی عەربەت بۆردومان کرا، سێ کەس لە دژە تیرۆری کوردستان گیانیان لەدەستدا و سێ کەسی تریان برینداربوون.