“ئەمساڵ بەفر و بارانێکی زۆر دەبارێت و پێشبینی روودانی لافاو دەکرێت”
بارانبارین له سلێمانى | فۆتۆ: SNN
SNN
شاره‌زایه‌كی كه‌شناسی رایگەیاند، “وه‌رزی دابارینی داهاتوو هه‌ردوو شێوازی نزمه په‌ستان و ناسه‌قامگیری كه‌شوهه‌وا ده‌بێت، لە ساڵانی رابردوو زیاتر ده‌بن، هەر بۆیه باران و لافاو ته‌رزه و به‌فر و سه‌رماش زیاتر ده‌بن”.
ئەمڕۆ هەینی 29ی ئەیلول، شاڵاو هیدایەت شارەزای بواری کەشناسی بڵاویکردەوە، ناسه‌قامگیری كه‌شوهه‌وا بارانه‌كانی به‌خوڕ و به‌ناڕێكی دابه‌شده‌بن هه‌ندێكجار هه‌موو ناوچه و شوێنێك ناگرێته‌وه.
روونیکردووەتەوە، ئه‌سته‌مه دیاریكردنی بڕی باران بۆ هه‌ر ناوچه‌یه‌ك، له‌م حاڵه‌ته‌یاندا به‌گشتی بارانه‌كانی به‌شێوه‌ی به‌خوڕن کە به‌ڕێژه‌ی 100% مه‌ترسی لافاو له‌شێوازی بارانه‌كانی ده‌كرێت، چونكه زۆربه‌ی بارانه‌كانی به‌سه‌ر خاك و زه‌ویدا ده‌رۆن به‌مه‌ش زه‌وی و خاك سودی كه‌متری لێوه‌رده‌گرن ده‌بنه به‌رزبونه‌وه‌ی ئاستی ئاو لافاو كه زیان ده‌گه‌یه‌نن تایبه‌ت بۆ ئه‌و شوێن و ناوچانه‌ی كه مه‌ترسیان له‌سه‌ره‌و نزمن.
ئاماژەی بەوەکردووە، گۆڕانی كه‌شوهه‌وا هۆكاری سه‌ره‌كی دروستبونی ئه‌م شێوازه بارانانه‌یه كه چه‌ندین ساڵه بارانه‌كان له‌هه‌رێم زیاتر به‌خوڕ و به‌هێزن.
