ئاگاداریەک لە وەزارەتی دارایی و ئابورییەوە بۆ فەرمانبەرانی وەزارەتەکەی

SNN-

وەزارەتی دارایی و ئابوری حکومەتی هەرێمی کوردستان بەڕێوەبەرایەتیە گشتییەکانی سەر بەوەزارەتەکەی ئاگاداردەکاتەوە کە لە تاقیکردنەوەی خوێندنی باڵا دەرچوون سەردانی دیوانی وەزارەت بکەن بۆ پێشکەش کردن و تەواوکردنی مامەڵەکانیان.

وەزارەتەکە لە راگەیەندراوێکدا دەڵێت:” سەرجەم بەڕێوبەرایەتیە گشتییەکانی سەر بەوەزارەتمان ئاگادار دەکەینەوە، ئەو فەرمانبەرانەی لە تاقیکردنەوەی خوێندنی باڵا دەرچوون و تا ئێستا مامەڵەی خوێندنی باڵایان نەکردووە، پێویستە تا ڕێکەوتی 19ی تشرینی یەکەمی 2023, سەردانی دیوانی وەزارەت بکەن بۆ پێشکەش کردن و تەواوکردنی مامەڵەکانیان”.

وەزارەتەکە ئاماژەی بەوەشکردووە، لە دوای ئەو وادەیەوە هیچ مامەڵەیەک وەرناگیرێت و مافی مۆڵەت وەرگرتنیان دەفەوتێت.