بانکی ناوەندی پێنج رێکار بۆ جێگیرکردنی بەھای دینار دەگرێتەبەر

SNN-

لیژنەی دارایی ئەنجومەنی نوێنەرانی عێراق رایگه‌یاند، بانکی ناوەندی پێنج رێکار دەگرێتەبه‌ر بۆ ھاوسەنگ کردنەوەی بەھای دینار بەرامبەر دۆلار لە بازاڕەکاندا.

موزر کروی، ئەندامی لیژنەی دارایی لە ئەنجومەنی نوێنەرانی عێراق رایگەیاند: ویستێکی زۆر ھەیە بۆ کڕینی دۆلار بەھۆی گەشتی ھەزاران ھاووڵاتی و کاروبارەکانی کۆمپانیاکانەوە، بەڵام بانکی ناوەندی عێراق دەستیکردووە بە گرتنەبەری پێنج رێکار بۆ ھاوسەنگ کردنی بازاڕی دراو، لەوانە کەمکردنەوەی بەکارھێنانی دۆلار لە بەشێک لە مامەڵەکاندا.

راشیگەیاند:”لە دوایین کۆبوونەوەیاندا لەگەڵ ئیدارەی بانکی ناوەندی چەندین ئاماژەی نەرێنی و ئەرێنی ھەبووە و دەبێت چارەسەر بکرێن، چونکە بەرزکردنەوەی بەھای دینار زۆر گرنگە و ھەر نزمبوونەوەیەک کاریگەری لەسەر نرخەکان دروست دەکات و فشار لەسەر بازاڕ و ھاووڵاتیان دروست دەکات”.