ئەمریكا سیستمی بەرگری ئاسمانی رەوانەی خۆرهەڵاتی ناوەڕاست دەكات

SNN

وەزارەتی بەرگری ئەمریکا رایگەیاندووە، ویلایەتە یەکگرتووەکان سیستمی بەرگری زیاتر رەوانەی خۆرهەڵاتی ناوەڕاست دەکات، بە ئامانجی بەهێزکردنی پێگەی وەزارەتی بەرگری لەناوچەکەدا.

ئەمڕۆ یەکشەممە 22ی تشرینی یەکەم، وەزارەتی بەگری ئەمریكا ئاشکرایکردووە، ئەو سیستمە بەرگرییە ئاسمانیانەی رەوانەی دەكات لەجۆری (THAAD)ە، لەگەڵ سیستمی بەرگری ئاسمانی (پاتریۆت)، ئەمەش لە وەڵامی هێرشەكانی ئەم دواییەدایە بۆ سەر هێزەكانی ئەمریكا لە ناوچەكەدا.

لوید ئۆستن، وەزیری بەرگری ئەمریكا دەڵێت “دوای گفتوگۆیەكی چڕ لەگەڵ سەرۆك بایدن، لە بارەی هێرشەكانی ئەمدواییە لەلایەن ئێران و گروپە چەكدارە هاوپەیمانەكانی لەناوچەكەدا، بڕیارماندا بە ئەنجامدانی زنجیرەیەك هەنگاوی تر، بۆ بەهێزكردنی پێگەی وەزارەتی بەرگری لەناوچەكە”.

ئەمە لە کاتێکدایە، لەچەند رۆژی رابردودا، میلشیا چەكدارەكانی هاوپەیمانی ئێران بە فرۆكەی بێفرۆكەوان هێرشیان كردە سەر  هێزەكانی ئەمریكا لە عێراق، لە بنكەكانی عەین ئەسەد لە ئەنبار و بنكەی حەریر لە هەولێر، هاوكات لە سوریاش بنكەی سەربازی تەنەف كرایە ئامانج.