بەڕێوەبەری نەخۆشخانەی منداڵان دایکان و باوکان ئاگاداردەکاتەوە

SNN
بەڕێوەبەری نەخۆشخانەی منداڵانی فێرکاری دکتۆر جەمال لە سلێمانی، لە بارەی ئەو منداڵانەی نەبەکامن یان کێشەی کۆئەندامی هەناسە یان دڵیان هەیە، دایک و باوکان ئاگادار دەکاتەوە سەردانیان بکەن.

ئەمڕۆ یەکشەممە 29ی تشرینی یەکەم، د. پشدەر عەبدوڵڵا، پزیشک و بەڕێوەبەری نەخۆشخانەی منداڵانی فێرکاری دکتۆر جەمال ئەحمەد رەشید لە سلێمانی لە راگەیەنراوێکدا، داوا لە دایک و باوکان دەکات، ئەگەر منداڵی نەبەکامیان هەیە و تەمەنیان لە شەش مانگ کەمترە یان ئەو منداڵانەی کێشەی کۆئەندامی هەناسەیان لە جۆری Broncopulmonary dysplasia هەیە و بەتایبەت نەبەکام بن یان کێشەی دڵیان هەیە و باروودۆخیان ناجێگیرە و تەمەنیان لە دوو ساڵ کەمترە، سەردانی نەخۆشخانەی منداڵانی فێرکاری بکەن.

داواشدەکات، دایک و باوکان ئەمڕۆ لە کاتژمێر 8:15ی بەیانی بەدواوە سەردانی نەخۆشخانەکە بکەن بەمەبەستی کوتانی دژە پەتای وەرزی ڤایرۆسی RSV.