ویكیلیكس بهڵگهنامهیهكى نهێنى ئیسرائیلى پهیوهست به شهڕى غهززه بڵاوكردهوه
دیمهنێكى هێرشهكهى سهر كهرتى غهززه له رۆژى 25 مینیدا | فۆتۆ: AA
SNN
پێگهى ویكیلیكس تایبهت به بڵاوكردنهوهى بهڵگهنامه نهێنیهكان له ههژمارى تایبهتى خۆى له تۆڕى كۆمهڵایهتى ئێكس ئاشكرایكرد، حكومهتى ئیسرائیل بهنیازى ئهوهیه بۆ ههمیشه دانیشتوانى غهززه بگوازێتهوه بۆ بیابانى سینا له میسر.
ئهو بهڵگهنامهیهى كه ویكیلیس بڵاویكردوونهتهوه، تایبهتن به وهزارهتى ههواڵگرى ئیسرائیل و بهروارى 13ى تشرینى یهكهمى لهسهره. ناوهڕۆكهكهى ئاشكرایدهكات، “ههفتهیهك دواى هێرشهكهى حهماس بۆسهر ئیسرائیل وهزارهتى ههواڵگرى راپۆرتێكى 10 پهڕهیی ئاراستهى لایهنه پهیوهندیدارهكان كردووه كه وردهكارى گواستنهوهى هاووڵاتیانى غهززه و چۆڵكردنى شارهكهى تێدایه بۆ ههمیشه”.
بهپێى راپۆرتهكه، “ئیسرائیل دهیهوێت هاووڵاتیانى غهززه بگوازنهوه بۆ سینا له میسر، بۆ ئهمهش چهند ههنگاوێك دهگیرێتهبهر كه بریتیه له، پێویسته پێش دهستپێكردنى ئۆپهراسیۆنه وشكانییهكانمان لهناو خاكى غهززه، هاووڵاتهكانى غهززه بهتهواوهتى باكوورى ئهو كهرته چۆڵ بكهن. پاشان، ئۆپراسیۆنهكان له باكوورهوه بۆ باشوور درێژ بكرێنهوه. دهروازهى رهفهح به كراوهى بهێڵرێتهوه و هاووڵاتیانى غهززه بگوزارێنهوه بۆ نێو كۆمهڵێك خهیمه له باكوورى سینا. له كۆتایدا، شارێكى نیشتهجێبوون لهو ناوچهیه دروستبكرێت بۆ دانیشتووانى غهززه”.
بهڵگهنامهكهى ویكیلیكس یهكهمین بهڵگهنامهى فهرمیه كه دهریدهخان ئیسرائیل ویستى ئهوهى ههیه بۆ ههمیشه غهززه چۆڵ بكرێت و دانیشتوانهكهى بگوازنهوه بۆ باكوورى سینا.
A week after the Hamas attack, Israel’s Ministry of Intelligence issued a secret ten-page document outlining the expulsion of the Palestinian population of Gaza to northern Sinai, in Egypt:
1. Instruct Palestinian civilians to vacate north Gaza ahead of land operations;
2.… pic.twitter.com/3yjnhMpMn6— WikiLeaks (@wikileaks) October 30, 2023
