دواین ئاماری کوژراوانی کەرتی غەززە

SNN

وەزارەتی تەندروستی غەززە رایگەیاند، ژمارەی کوژراوان بەرزبووەتەوەو بووە بە نۆ هەزار و 488 کەس، لە نێویاندا سێ هەزار و 900 کەسیان منداڵن.

ئەمڕۆ شەممە ٤ی تشرینی دووەم، لە راگەیەنراوەکەی وەزارەتی تەندروستی غەززەدا هاتووە، لەم چەند کاتژمێرەی دوایدا سوپای ئیسرائیل بەهۆی هێرشە دوژمنکارانەکەیەوە بۆ سەر نەخۆشخانەی قودس 231 کەسی کوژراون، کە لە %70یان ژن و منداڵبوون.

لەلایەکی ترەوە روونیکردووەتەوە، زانیارییان پێگەیشتووە کە دوو هەزار و 20 کەس لەژێر دارو پەردووی رووخاوی ماڵەکاندان، کە هەزار و 250یان منداڵن، 150 کەسیان لە تیمی پزیشکین و 57 ئۆتۆمبێلی فریاکەوتنیش لەناوچوون.

ئەوەشخراوەتە روو، هێرشەکانی ئیسرائیل 105 دامەزراوەی تەندروستی کردووەتە ئامانج و 16 نەخۆشخانەش هیچ خزمەتگوزارییەکیان نەماوە .