شاندی هەرێمی کوردستان بەرەو بەغداد بەڕێکەوت
SNN-
بەیانی ئەمڕۆ دووشەممە شاندی حکومەتی هەرێمی کوردستان بەسەرۆکایەتی ئاوات شێخ جەناب وەزیری دارایی و ئابوری بەرەو بەغدا بەڕێکەوت و بڕیارە لەگەڵ محەمەد شیاع سودانی سەرۆکوەزیرانی عێراق کۆببنەوە، پرسی مووچەی فەرمانبەرانی هەرێمی کوردستان و هەموارکردنەوەی یاسای بودجەو پرۆسەی هەناردەکردنەوەی نەوتی هەرێمی کوردستان تاوتوێ بکەن.
وەزارەتەکە لە راگەیەندراویکدا بڵاویکردووەتەوە کە بەیانی ئەمڕۆ دووشەممە 27ی تشرینی دووەمی 2023 شاندی هەرێمی کوردستان بەسەرۆکایەتیێز ئاوات جەناب نوری وەزیری دارایی و ئابوری هەرێمی کوردستان و دکتۆر ئومێد سەباح سەرۆکی دیوانی ئەنجومەنی وەزیران و دکتۆر ئامانج ڕەحیم سکرتێری ئەنجومەنی وەزیران و دکتۆر عەبدول حەکیم خەسرۆ سەرۆکی فەرمانگەی هەماهەنگی و بەدواداچوون و خالید هادی چاوشلی ڕاوێژکار لە ئەنجومەنی وەزیران بەرەو شاری بەغداد بەڕێکەوتن.
لە راگەیەندراوەکەدا هاتووە کە بڕیارە شاندەکە لەگەڵ محەمەد شیاع سودانی سەرۆکوەزیرانی عێراق کۆببنەوە، پرسی مووچەی فەرمانبەرانی هەرێمی کوردستان و هەموارکردنەوەی یاسای بودجەو پرۆسەی هەناردەکردنەوەی نەوتی هەرێمی کوردستان لەگرنگترین تەوەرەکانی کۆبونەوەکە دەبن.
ئەو سەردانەی حکومەتی هەرێمی کوردستان بۆ بەغدا لە کاتێکدایە کە تاوەکو ئێستا مووچەخۆرانی هەرێمی کوردستان مووچەی مانگی نۆیان وەرنەگرتووە و حکومەتی هەرێمیش بۆ دابەشکردنی مووچە چاوەڕێی هاتنی کۆتا 700 ملیار دینار دەکات کە لە لایەن بەغداوە بڕیاری لێدرابوو بۆ سێ مانگ بینێرێت.
