سوپای عێراق لە مەخمور لە شەڕێکی قورسدایە لەگەڵ چەکدارانی داعش
سوپای عێراق له‌كاتى ئه‌ركێكى سه‌ربازیدا | فۆتۆ: AP
SNN
غازی فەیسەڵ فەرماندەی خۆبەخش لە ھێزی پێشمەرگە لە سنووری مەخمور بە میدیای یەکێتیی راگەیاند، شەوی رابردوو لە نێوان گوندی عەلیەڕەش و دووسەرە لەدەشتی قەراجی سەر بە مەخموور، شەڕ لەنێوان سوپای عێراق و چەکدارانی داعش روویدا، لەکاتی ئێستادا چەکدارانی داعش لە گوندێکی دەشتی قەراج لەلایەن ھێزێکی پێشمەرگە و سوپای عێراقەوە گەمارۆدران، ھاوپەیمانانیش بە فڕۆکە بە ئاسمانی ناوچەکەدا دەسوڕێنەوە.
وتیشی، “لە ئەنجامی شەڕ و پێکدادانەکەدا سەربازێکی سوپای عێراق کوژراوە و دوو سەربازی تریش برینداربوون، بەپێی زانیارییەکان تیرۆریستێکی داعشیش کوژراوە.
راشیگەیاند، لەلایەن ھێزی پێشمەرگە و سوپای عێراق خێزانێکی کورد لە دەستی تیرۆریستان رزگارکران، کە لە گوندی کۆڵتەپە لەلایەن تیرۆریستانەوە گەمارۆدرابوون.
