نرخی نەوت بەرزدەبێتەوە

SNN

بەیانی ئەمڕۆ نرخی نەوت لە بازاڕە جیهانییەکانی وزە رووی لە بەرزبووەنەوە کرد و نرخی یەک بەرمیک نەوتی برێنت گەیشتە سەرووی 75 دۆلار.

ئەمڕۆ هەینی لە کاتی کردنەوەی بازاڕە جیهانییەکانی وزە نرخی یەک بەرمیل نەوتی برێنت بە رێژەی 2.7٪ بەرزبووەوە و گەیشتە 75 دۆلار و 58 سەنت.

ئەمەش لەکاتێکدایە ئێوارەی دوێنێ لە کاتی داخستنی بازاڕدا نرخی یەک بەرمیل نەوتی خاوی برێنت بە 74 دۆلار و 5 سەنت بوو.

هاوکات یەک بەرمیل نەوتی خاوی ئەمریکاش کە ئێوارەی دوێنێ بە 69 دۆلار و 39 سەنت بوو، لە ئێستادا بە رێژەی نزیکەی 2٪ بەرزبووەتەوە و بە 70 دۆلار و 71 سەنت مامەڵەی پێوەدەکرێت.

ئەم بەرزبوونەوەیە دوای ئەوە دێت کە لە رۆژانی رابردوودا نرخی نەوت رووی لە دابەزین کردبوو، بۆ نزمترین ئاستی چوار مانگی رابردوو دابەزیبوو.