کەشوهەوای 48 کاتژمێری داهاتوو بڵاوکرایەوە

SNN-

کەشناسی هەرێمی کوردستان کەشوهەوای 48 کاتژمێری رابردووی بڵاوکردەوە و پلەکانی گەرما بەرزدەبنەوە و تەمێکی سوکیش دروست دەبێت.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە، کە ئەمڕۆ پێنجشەممە 2023-12-14، ئاسمان نیمچە هەور و تەم دەبێت لەسەر بەشێک لە ناوچە جیاجیاکان پاشان دەگۆڕیت بۆ ساماڵ و پەڵە هەور، پلەکانی گەرماش بەرز دەبێتەوە بە ( 3 – 1) پلە بەراوورد بە تۆمارکراوەکانی دوێنێ بە تایبەت بەرزترین پلەکانى گەرما و هەروەها مەوداى بینین/ لە نێوان (7 – 8 ) کم دەبێت ئەو ناوچانەى تەمى دەبێت بۆ کەمتر لە 2 کم .

کەشناسی دەشڵێت، سبەى هەینى 2023-12-15، ئاسمان ساماڵ و پەڵە هەور لەگەڵ دروستبوونى تەمێکى سووک لەسەر ناوچە جیاجیاکان.ناوچە شاخاوییەکان کاریگەرى تەمى زیاتر دەبێت بە تایبەت لە کاتەکانى بەیانى زوودا و پلەکانی گەرماش بەرزدەبنەوە.

بەرزترین پلەکانی گەرمای پێشبینیکراو بە پلەی سیلیزی:
هەولێر : 19 پلەى سیلیزى
سلێمانی : 17 پلەى سیلیزى
دهۆک : 19 پلەى سیلیزى
کەرکووک : 20 پلەى سیلیزى
هەڵەبجە : 18 پلەى سیلیزى
زاخۆ : 19 پلەى سیلیزى
گەرمیان : 21 پلەى سیلیزى
حاج ئۆمەران: 7 پلەى سیلیزى
سۆران : 14 پلەى سیلیزى