کڵاشینکۆڤە ئاڵتونییەکەی سەدام لە بەریتانیا نمایش دەکرێت
کڵاشینکۆڤە ئاڵتوونیەکەی سەدام
SNN
وا بڕیارە کڵاشینکۆڤە رووپۆش ئاڵتوونییەکەی سەدام حسێن سەرۆکی دیکتاتۆری پێشووتری عێراق لە وڵاتی بەریتانیا نمایش بکرێت.
بەپێی هەواڵێکی ماڵپەڕی CBC نیوز، سەدام حسێن ئەم کڵاشینکۆڤە رووپۆش ئاڵتوونییەی بەخشیوەتە ئەو کەسانەی کە خۆی مەبەستی بووە یاخود ویستوویەتی کاریگەری لەسەریان هەبێت، دواتر ئەم چەکە دەستی سوپای بەریتانیا کەوتووە لە بەغدا و گوازراوەتەوە بۆ وڵاتی بەریتانیا، وا بڕیارە ئەمڕۆ 16 کانوونی یەکەم، لە مۆزەخانەی سەربازی لیدز لە باکووری ئینگلتەدا نمایش بکرێت.
شایەنی ئاماژە پێکردنە ماڵپەڕە باسی لە چەندین جۆری دیکەی چەک ودەمانچەی روپۆش ئاڵتوونی کردووە کە لە کۆشکەکانی سەدام حسێن لە بەغدا دەستی بەسەردا گیراوە و هەر لە ساڵی 2003دا بەشێکیان بۆ ئەمریکا و بە شێکیان بۆ وڵاتی بەریتانیا گوازراونەتەوە.
