وردەکاری هاتنی نەوتەکەی عێراق و بڕەکەی بە پێی پارێزگاکانی هەرێم ئاشکرا دەکرێت

عەلی حەمەسەعیدSNN

دوای هەوڵی بەردەوامی پەرلەمانتارانی یەکێتی لەپەرلەمانی عێراق لەماوەی ڕابردوو بۆ وەرگرتنی ڕەزامەندی ئەنجوومەنی وەزیران و وەزارەتی نەوتی عێراق بۆ پێدانی نەوتی سپی بۆ هاووڵاتیان، ئەمڕۆ بڕیاری کۆتایی لەوبارەیەوە درا.

د.بڕیار ڕەشید، ئەندامی ئەنجومەنی نوێنەرانی عێراق بەSNNی ڕاگەیاند: خۆشبەختانە ئەمڕۆ و بەپاڵپشتی د.عزەت سابیر بریکاری وەزارەتی نەوت بڕیاردرا بەناردنی 50 ملیۆن لیتر نەوت وەک بڕی یەکەم بۆ پارێزگاکانی هەرێمی کوردستان بە نرخی پاڵپشتی کراو 250 دینار بۆ لیترێک.

ئاماژەی بەوەشکرد، لەوبڕەی کە بڕیاری لهبارەوە دراوە بۆهەرێمی وردستان بنێردرێت، بڕی 21 ملیۆن لیتری بۆ پارێزگایی سلێمانی و بڕی15 ملیۆن لیتری بۆ پارێزگای هەولێرو حەوت ملیۆن لیتر بۆ دهۆک و هاوکات بڕی پێنج ملیۆن لیتریش بۆپارێزگای هەڵەبجە تەرخاندەکرێت.

ئەوئەندامەی پەرلەمانی عێراق ئەوەشی خستەڕوو، ئەم بڕە نەوتە ڕۆڵی دەبێت لە دابەزاندنی نرخی نەوت لەبازەرەکـاندا، لە هەوڵی بەردەوام دەبین بۆ زیادکردنی بڕەکـەی، پێویستـە لەسەر حکومەتی هەرێم پەلەبکـات لەوەرگرتنی ئەم بڕە و دابەشکردنی بەسەر هاووڵاتیان.