“یه‌كێتى تاوه‌كو ئێستا هێزى یه‌كه‌مه له ده‌نگدانى تایبه‌تدا له سلێمانى”
لۆگۆى یه‌كێتیى نیشتمانيى كوردستان | فۆتۆ: SNN
SNN
ئه‌ندامێكى سه‌ركردایه‌تى یه‌كێتى نیشتمانى كوردستان رایده‌گه‌یه‌نێت، یه‌كێتيى نیشتمانيى كوردستان له‌كۆى ئه‌و ده‌نگانه‌ى ده‌نگدانى تایبه‌ت كه تاوه‌كو ئێستا جیاكراونه‌ته‌وه له سلێمانى هێزى یه‌كه‌مه، ده‌شڵێت: “زۆرترین رێژه‌ى به‌شدارى ده‌نگدانى تایبه‌ت له سلێمانى بووه”.
ئه‌مڕۆ پێنجشه‌ممه 21ى كانونى دووه‌م، له‌تیف نێروه‌یی، ئه‌ندامى سه‌ركردایه‌تى یه‌كێتى نیشتمانى كوردستان له كۆنگره‌یه‌كى رۆژنامه‌وانیدا كه SNN ئاماده‌یی بوو رایگه‌یاند، “به‌پێى ئه‌و زانیارییانه‌ى كه ده‌ست ئێمه كه‌وتووه له ده‌نگدانى هێزه تایبه‌ته‌كاندا له شارى سلێمانى تاوه‌كو ئێستا له‌كۆى ئه‌و ده‌نگانه‌ى كه جیاكراونه‌ته‌وه یه‌كێتى نیشتمانى كوردستان هێزى یه‌كه‌مه”.
وتیشى: “زۆرترین رێژه‌ى به‌شدارى ده‌نگدانى تایبه‌ت له‌سه‌ر ئاستى عێراق خۆشبه‌ختانه له پارێزگاى سلێمانى تۆمار كراوه و كه‌مترین ده‌نگى پوچه‌ڵیش هه‌ر له سلێمانى بووه”.
