سێ سەربازی تورکیا لە هەرێمی کوردستان کوژران

SNN

بەپێی راگەیەندراوێك كە لەلایەن وەزارەتی بەرگری توركیاوە بڵاوكرایەوە “لە چوارچێوەی ئۆپراسیۆنی ئەمنی دژی ئەندامانی پارتی كرێكارانی كوردستان، پێكداهەڵپژانەكان بەردەوامن و چەند ئامانێكیان لە ناوچەكەدا پێكاوە و توانیویانە رێڕەوی هاتووچۆی دووژمن دابخەن”.

هەر لە راگەیەندراوەكەدا وەزارەتی بەرگری توركیا ئاماژەی بە كوژرانی سێ‌ سەربازی سوپا و برینداربوونی سیانی تر كرداوە لە هەرێمی كوردستان.

توركیا چەندان ئۆپەراسیۆنی وشكانی و هێرشی ئاسمانی لەدژی هێزەكانی پارتی كرێكارانی كوردستان لە هەرێمی كوردستان ئەنجامداوە و بە قوڵایی دەیان كیلۆمەتر بۆ راوەدونانی گەریلاكانی پارتی كرێكارانی كوردستان (پەكەكە) هاتووەتە نێو خاكی هەرێمی كوردستان.