ئێران “له‌كات و شوێنی گونجاو تۆڵه له ئیسرائیل ده‌كه‌ینه‌وه”
ئێران و ئیسڕائیل
SNN
بەیانی ئەمڕۆ سێشەممە، وه‌زاره‌تی ده‌ره‌وه‌ی ئێران به توندی سه‌ركۆنه‌ی كوشتنی عه‌مید رازی موسه‌وی كرد و به نیشانه‌یه‌كی دیكه‌ی سروشتی “ده‌ستدرێژیی ئیسرائیل”ی وه‌سفكرد و راشیگه‌یاند، “له‌كات و شوێنی گونجاودا تۆڵه له ئیسرائیل ده‌كه‌ینه‌وه”.
ئاژانسی ڕۆیته‌رز له ڕاپۆرتێكدا، دوێنێ دووشه‌ممه بڵاویكرده‌وه، فه‌رمانده‌ی مه‌یدانی سوپای پاسدارانی ئێران، “رازی موسه‌وی” له بۆردومانێكی ئیسرائیلدا بۆ سه‌ر ناوچه‌ی عه‌قره‌به له سنوره‌كانی دیمه‌شق، كوژراوه.
وەزارەتی دەرەوەی ئێران لە راگەیەندراوەکەیدا ئەوەش رووندەکاتەوە، “ئه‌م تیرۆره وه‌ك درێژه‌پێده‌ری هه‌موو ئه‌و تاوانانه دێت كه له لایه‌ن قه‌واره‌ی زایۆنیستییه‌وه ئه‌نجامدراون، هه‌مو یاسا نێوده‌وڵه‌تییه‌كانیشیان پێشێل كردوه، بۆیە ئێران مافی خۆی ده‌پارێزێت كه له شوێن و كاتی گونجاودا وه‌ڵام و تۆڵه‌ی ئه‌م تاوانه بكاته‌وه”
