نرخی بەنزین لە سلێمانی دادەبەزێت

SNN-

ئەمڕۆ دووشەممە 8ی کانوونی دووەمی  2024، لە پارێزگای سلێمانی نرخی بەنزین لە هەرسێ جۆرەکەی بۆ هەر لیترێک 25 دینار دادەبەزێت.

بەهمەن شێخ قادر، وتەبێژی بەنزینخانەکانی سلێمانی رایگەیاند، کاتژمێر 4:00ی ئێوارەی ئەمڕۆ لە سلێمانی هەرسێ جۆری بەنزینی (نۆرماڵ، محەسەن، سوپەر) 25 دینار دادەبەزێت.

وتیشی: بەنزینی نۆرماڵ لە 900 دینارەوە دەبێت بە 875 دینار، محەسەنیش لە 1125 دینارەوە دەبێتە 1100 دینار، سوپەریش لە 1275 دینارەوە دەبێت بە 1250 دینارە.

سەبارەت بە هۆکاری هەرزانبوونی نرخی بەنزین وتیشی: بەرهەمی ناوخۆ زۆرە و خواست لەسەر بەنزینی بازرگانیش کەمبووەتە و بەنزینی 750 دیناریش لە سلێمانی دەستی پێکردووەتەوە.