موقتەدا سەدر رەتیدەکاتەوە بگەڕێتەوە نێو پرۆسەی سیاسی عێراق
SNN
رێبەری رەوتی سەدر رەتیدەکاتەوە بگەڕێتەوە نێو پڕۆسەی سیاسیی عێراق، سهركۆنهی “بەردەوامی بڵاوبوونەوەی گەندەڵی” لە وڵاتدا دهكات.
شەوی رابردوو 8ی کانوونی دووەم، موقتهدا سهدر، رێبەری رەوتی سەدر پهیامێكی لە تۆڕی کۆمەڵایەتیی ئێکس لهبارهی گهڕانهوهی بۆ نێو پرۆسهی سیاسیی عێراق بڵاوکردەوە و رایگەیاند، “ئاماده نییه دووبارە بەشداریی پرۆسهی سیاسی لە عێراقدا بکات و بە توندی سهركۆنهی بەردەوامی بڵاوبوونەوەی گەندەڵی لە وڵاتەکەدا دهكات.”
ئاماژەی بەوەکردووە، “بهردهوام شکست، دواکەوتن، ژێردەستەیی، هەژاری، ستەمکاری بەسەر ملی هەژاران، بڵاوبوونەوەی تیرۆری میلیشیایی و وازهێنان لە ماف و دهست تێكهڵكردن لەگەڵ داگیرکەر زیاتر بووه”.
رێبهری رهوتی سهدر له كۆتایی پەیامەکەیدا نووسیویەتی: “مەبەستم لایەنێکی دیاریکراو نییە، هەمووان یان گەندەڵن یان هاوپەیمانن لەگەڵ گەندەڵکاران، تەنانەت ئەوانەی کە ماوەیەک پێش ئێستا داوای چاکسازییان کردووە یان هاوپەیمانی چاکسازیی بوون”.
