یەکەم رۆژی مانگی رەمەزان دیاریدەکرێت

SNN-

کەمتر لە دوو مانگی ماوە بۆ رەمەزان و بە پێی حساباتی فەلەکناسانیش، ڕۆژی یه‌كشه‌ممه‌ 29ی شه‌عبانی 1445 كه‌ هاوتایه‌ له‌گه‌ڵ 10ی ئازاری 2024 مانگ ده‌بینرێت و به‌وه‌ش یه‌كه‌م رۆژی مانگی ره‌مه‌زان ده‌كه‌وێته‌ رۆژی دووشه‌ممه‌ 11ی ئازاری ئه‌مساڵ.

زۆربه‌ی وڵاتانی عه‌ره‌بی و ئیسلامی پشت به‌ چاودێریكردنی بینینی مانگ ده‌به‌ستن و بۆئه‌و مه‌به‌سته‌ش سعودیه‌ وه‌ك یه‌كه‌م وڵات كاریگه‌ری له‌سه‌ر زۆربه‌ی وڵاتانی دیكه‌ هه‌یه‌ بۆ دیاریكردنی یه‌كه‌م رۆژی مانگی ره‌مه‌زان و جه‌ژنی ره‌مه‌زان و جه‌ژنی قوربانیش.

پێشبینی ده‌كرێت وڵاتانی عه‌ره‌بی داوا له‌ هاووڵاتییان بكه‌ن له‌ 29ی شه‌عبانی 1445دا كۆچی، چاودێری بینینی مانگی ڕه‌مه‌زانی ساڵی 2024 بكه‌ن، هاوكات دادگای باڵای سعودیه‌ دانیشتنی بینینی مانگ له‌ شاری هوتات سودایر (باكوری ڕۆژئاوای ڕیازی پایته‌خت) ئه‌نجام ده‌دات و تێیدا داوای هاوكاری له‌ به‌ناوبانگترین دیده‌وانه‌كان ده‌كات و بۆئه‌و مه‌به‌سته‌ش نوێترین میكانیزمی چاودێری فه‌له‌كی به‌كارده‌هێنن.

له‌ لایه‌كی دیكه‌وه‌ هه‌ندێك له‌ وڵاتانی ئیسلامی پشت به‌ حیساباتی فه‌له‌كی ده‌به‌ستن بۆ دیاریكردنی واده‌ی ده‌ستپێكردنی مانگی به‌ڕۆژووبوون، له‌ توركیا، سه‌رۆكایه‌تیی كاروباری ئایینی 11ی ئازاری 2024ی وه‌ك یه‌كه‌م ڕۆژی جه‌ژنی ڕه‌مه‌زانی 2024 دیاریكردوه‌

به‌پێی پێشبینییه‌ فه‌له‌كییه‌كان مانگی پیرۆز بۆ ماوه‌ی 30 ڕۆژ درێژ ده‌بێته‌وه‌، به‌جۆرێك ڕۆژی چوارشه‌ممه‌ 10ی نیسان-ی 2024 ده‌بێته‌ یه‌كه‌م ڕۆژی جه‌ژنی ڕه‌مه‌زان.

پێشبینی ده‌كرێت له‌ یه‌كه‌م ڕۆژی مانگی ڕه‌مه‌زانی پیرۆزدا كه‌مێك له‌ 13 كاتژمێر زیاتر بێت له‌ زۆرینه‌ی وڵاتانی عه‌ره‌بی له‌وانه‌ عێراق، میسر، سعودیه‌، قه‌ته‌ر، ئیمارات، كوه‌یت، به‌حره‌ین، عومان، ئوردن، سوریا، لوبنان و فه‌له‌ستین، هه‌روه‌ها توركیا و ئێران، یه‌كه‌م ڕۆژی جه‌ژنی ڕه‌مه‌زانی 2024 كورتترین ڕۆژ ده‌بێت له‌ ژماره‌ی کاتژمێرەکانی ڕۆژوو له‌ وڵاتانی عه‌ره‌بی و ورده‌ ورده‌ دوای ئه‌وه‌ زیاد ده‌كات.