کەشناسی: بەفر و باران دەستپێدەکات

SNN-

بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە، لە ئەمڕۆوە شەپۆلێکی بەفر و باران ناوچەکانی هەرێمی کوردستان دەگرێتەوە.

بەڕێوەبەرایەتییەکە لە راگەیەندراوێکدا بڵاویکردووەتەوە کە ئەمڕۆ دووشەممە،22ی کانوونی دووەمی 2024، بەهۆی کاریگەری نزمە پەستانی دەریایی سپی ناوەڕاست ئاسمانى هەرێم ناسەقام گیر دەبێت بۆچەند رۆژێک بۆیە ئەمرۆ ئاسمانی هەرێم بەگشتی هەوری تەواو دەبێت سەرەتا لەناوچەکانی رۆژئاوای هەرێم و پارێزگای دهۆک نمە باران و بەفر لەناوچە شاخاوییە بەرزەکانی ئەم دەفەرە دەست پێ دەکات پاشان کاریگەری درێژ دەبێتەوە بۆ زۆربەی ناوچەکانی هەرێم, لەکاتەکانی دوایی نیوەڕۆ لەناوچە دەشتاییەکانی باشووری هەولێر و شاری کەرکووک ئەگەری کەمێک دابارینی تاوە باران و برووسکە هەیە و پلەکانی گەرما ش نزم دەبێتەوە بە ( 1 – 2) پلە و لەناوچە شاخاوییەکانیش (2- 4) پلە نزمدەبێتەوە.

هەروەها سبەینێ سێشەممە، 23ی کانوونی دووەمی 2024، ئاسمان بەگشتی هەوری تەواو دەبێت لەگەڵ دابارینی نمە باران وە بەفر لەناوچە شاخاوییە بەرزەکاندا وە لەکاتەکانی دوایی نیوەڕۆ ئەگەر کەمێک تاوە باران و برووسکە هەیە لەناوچەکانی دەوروبەری شاری هەولێر .

بەرزترین پلەکانی گەرمای پێشبینیکراو بە پلەی سیلیزی :
هەولێر : 16 پلەى سیلیزى
سلێمانی : 13 پلەى سیلیزى
دهۆک : 13 پلەى سیلیزى
کەرکووک : 17 پلەى سیلیزى
هەڵەبجە : 13 پلەى سیلیزى
زاخۆ : 12 پلەى سیلیزى
گەرمیان : 18 پلەى سیلیزى
حاجی ئۆمەران: 3پلەى سیلیزى
سۆران : 9 پلەى سیلیزى