عێراق لەسەر بۆردومانکردنی هێزەکانی حەشدی شەعبی لە لایەن ئەمریکاوە هاتە دەنگ

SNN-

ڕاوێژکاری ئاسایشی نیشتمانی عێراق رایگەیاند، بە ئامانجگرتنی بارەگای هێزەکانی کۆکردنەوەی جەماوەر، هێرشکردنە سەر و پێشێلکردنی ئاشکرای سەروەری عێراقە و یارمەتیدەر نییە بۆ هێورکردنەوەی دۆخەکە

قاسم ئەعرەجی، ڕاوێژکاری ئاسایشی نیشتمانی، لە پۆستێکدا لە تۆڕی کۆمەڵایەتی (X)، بڵاویکردووەتەوە کە بە ئامانجگرتنی بارەگای هێزەکانی کۆکردنەوەی جەماوەر لە ئەلقائیم و جورف ئەلسەخار، هێرشکردنە و پێشێلکردنی ئاشکرای سەروەری عێراقە و یارمەتیدەر نییە بۆ هێورکردنەوەی دۆخەکە.

ئاماژەی بەوەشکردووە”دەبێت لایەنی ئەمریکی فشار بخاتە سەر بۆ وەستاندنی بەردەوامی دەستدرێژی دژی غەززە لەبری ئەوەی بارەگاکانی دامەزراوەیەکی نیشتمانی عێراق بکاتە ئامانج و بۆردومان بکات”.

شەوی رابردوو فڕۆکە جەنگییەکانی ئەمریکا چەند ناوچەیەکی رۆژئاوای عێراق و دەروازەی قائیمیان بۆردومان کرد، لەگەڵ بۆردومانکردنی چەند ناوچەیەکی تر لە بابل.