لیژنەی دارایی زانیاری لەسەر مووچەی فەرمانبەرانی ھەرێم ئاشکرا دەکات

SNN

موعین کازمی، ئەندامی لیژنەی دارایی ئەنجومەنی نوێنەرانی عێراق رایگەیاند، حکومەتی فیدڕاڵی زیاتر لە دوو مانگە پێشنیازی چارەسەری کێشەی مووچەی مووچەخۆرانی ھەرێمی کردووە و داوایکردووە وەزارەتی دارایی عێراق لیستی مووچەی وەکو 15 پارێزگاکەی عێراق لەبەردەستدا بێت بۆ ئەوەی وەکو ئەوان مووچە لەکاتی خۆیدا وەربگرن.

ئاماژەی بەوەشکرد، حکومەتی ھەرێم پێویستە زانیاری و لیستی مووچە بداتە عێراق، بەڵام حکومەتی ھەرێم تا ئێستا ئەو کارەی نەکردووە و زانیاری پێویستی نەداوە.

دەشڵێت، حکومەتی ھەرێم دەیەوێت خۆی مووچە دابەش بکات و ئەو پارەیەی لەمساڵدا عێراقی بۆی دەنێرێت، بۆ مووچەی 2023ی دابین بکات، بەوەش ناتوانێت کێشەی مووچە چارەسەر بکات.