کەشناسی هەرێم: بەفر دەبارێت و پلەکانی گەرما زیاتر نزم دەبنەوە

SNN-

کەشناسی هەرێم رایگەیاند، ئەمڕۆ و سبەینێ شەپۆلی بەفر و باران زیاتر دەبێت و پلەکانی گەرماش زیاتر نزمدەبنەوە.

بەرێوەبەرایەتییەکە ئەمڕۆ چوارشەممە 24 2024 -01، ئاسمان بەگشتی هەور دەبێت لەگەڵ باران بارین لەکاتی جیا جیادا، ناوچە شاخاوییەکان بارانی مامناوەندی دەبێت و ناوچە سنووریەکان بەفرێکی کەمی دەبێت , سەنتەری پارێزگاکان تا کاتەکانی دوای نیوەرۆ ئەگەری تاوە بارانی کەم کەمی هەیە , رێژەی باران بارین لە ئەمرۆدا لەم ناوچانە کەمێک زیاتر دەبێت بەتایبەت لە( قەڵادزێ-دوکان-رانیە-کۆیە-بەشی باکوری رۆژهەڵاتی سەنتەری پارێزگای هەولێر) لەئێوارەدا کاریگەری باران کەم دەبێتەوە.

هەروەها سبەی پێنجشەممە، 2024 -01-25، ئاسمان نیمچە هەور و هەوری تەواو دەبێت ، بەفر بارین لەسەر ناوچە سنوریەکان و بەشێک لە لووتکەی شاخە بەرزەکان بەفر بارینی دەبێت، سەبارەت بە باران بارین لە هەندێ کاتدا لەناوچە جیاجیاکان نمە بارانی کەم دەبێت لە سنوری پارێزگای دهۆک و هەولێرو کەرکوک، سنوری ناوچە جیا جیاکانی پارێزگای هەڵەبجە و سلێمانی ئاستی دابارینی زیاتر دەبێت و پلەکانی گەرماش نزم دەبنەوە.

بەرزترین پلەکانی گەرمای پێشبینیکراو بە پلەی سیلیزی:
هەولێر : 14 پلەى سیلیزى
سلێمانی : 14 پلەى سیلیزى
دهۆک : 13 پلەى سیلیزى
کەرکووک : 16 پلەى سیلیزى
هەڵەبجە : 15 پلەى سیلیزى
زاخۆ : 13 پلەى سیلیزى
گەرمیان : 18 پلەى سیلیزى
حاجی ئۆمەران: 2پلەى سیلیزى
سۆران : 10 پلەى سیلیزى