پێدانى پێشینهى خانووبهره له عێراق دهستپێدهكات
یهكهى نیشتهجێبوون له سلێمانى | فۆتۆ: SNN
SNN
وهزارهتى شارهوانى عێراق ئهمڕۆ پێنجشهممه 1ى شوبات، ئاشكراى كرد، ههفتهى داهاتوو دهستبه وهرگرتنى داواكارى هاووڵاتییان دهكهن بۆ پێشینهى خانووبهره.
بهپێى یاساى بودجهى عێراق بۆ ساڵى 2023، حكومهتى ناوهندیی عێراق بڕى 750 ملیار دینارى لهنێو سندوقى تایبهت به پێشینهى خانووبهره داناوه بهمهبهستى دابهشكردنى بهشێوهى پێشینه.
نهبیل سهفار، وتهبێژى وهزارهتى شارهوانى عێراق لهوبارهیهوه به میدیاكانى عێراقى راگهیاند، “بۆ ئهمساڵ له یاساى بودجهدا 100 ملیار دینار بۆ سندوقى قهرزى پێشینهى خانووبهره زیادكراوه”.
له وهڵامى ئهو پرسیارهى، كهى دهستبه دابهشكردنى فۆڕم و پێدانى پێشینهكه دهكهن؟ وتهبێژى وهزارهتى شارهوانى عێراق وتیشى: “پڕكردنهوهى فۆڕم بهشێوهى ئهلیكترۆنى دهبێت له ماڵپهڕى وهزارهتى شارهوانى و سندوقهكهدا. بۆ ئهمساڵ پڕكردنهوهى فۆڕمهكه به بهردهوامى به كراوهیی دهمێنێتهوه و ئاسانكارى زۆر كراوه كه هاووڵاتیان به ئاسانى بتوانن پڕیبكهنهوه”.
وتیشى: “سهرهتاى ههفتهى داهاتوو كه دهكاته رۆژى یهكشهممه 4ى شوبات، فۆڕمهكه چالاك دهبێت”.
به وتهى وتهبێژى وهزارهتى شارهوانى عێراق، “ساڵى 2023، 20 ههزار كهس سوودمهندبوون له پێشینهى خانووبهره و بڕى 650 ملیار دینار خهرجكراوه له پێدانى پێشینهكهدا”.
