زانیاری لەسەر ئەو کەسەی بەکۆرۆنا گیانی لەدەستدا لەشاری سلێمانی

SNN-

تووشبوویەکی دیکەی کۆرۆنا لە سلێمانی گیانی لەدەستدا، کە تەمەنی 37 ساڵە و لەدوێنێوە باری تەندروستیی ناجێگیر بوو، کەسە کۆچکردووەکە تەمەنی 37 ساڵ بوو کارمەندی نەخۆشخانەی شۆڕش بووە.

دوێنێ SNN دۆخی کەسی کۆچکردووی لەڕاپۆرتێکدا باسکرد کە بەهۆی هەناسە توندییەوە خرابووە ژێر چاودێریی ورد و ئامێری هەناسەی دەستکردی بۆ دانرابوو.

دکتۆر سەباح بەڕێوەبەری گشتی تەندروستیی سلێمانی رایگەیاند “بەداخەوە، کەمێک لەمەوبەر تووشبوویەکی ڤایرۆسی کۆرۆنا کە تەمەنی ٣٧ ساڵە لە شاری سلێمانی گیانی لەدەستدا”.

وتیشی: “تیمی پزیشکیمان ئەوەی لە توانایدا بوو ئەنجامیدا”.

بە گیانلەدەستدانی ئەو تووشبووەی کۆرۆنا، ژمارەی ئەو هاووڵاتییانەی هەرێمی کوردستان کە بەهۆی ڤایرۆسی کۆرۆنا گیانیان لەدەستداوە گەیشتە شەش کەس.

کۆچکردووەکە ناوی (هاوبیر عومەر)ە و تەمەنی ۳۷ ساڵە و خێزاندارە و دوو منداڵی هەیە، هەفتەی پێشوو خۆی سەردانی کردووە لەگەڵ خانەوادەکەی و لەدوێنێوە هەناسەی توند بووە و تیمەکانی تەندروستی سەرقاڵی چارەسەریی بوون بۆی تا بە فشار هەناسەی بۆ بچێت

هاوکات لەڕۆژی 15ی ئەم مانگەوە 12 کەسیان لەژێر چاودێری پزیشکدابوون، کۆچکردوو لەنەخۆشخانەی شۆڕش پشکنینی بۆ کراوە و ڤایرۆسەکەی تێدا دەرکەوتووە.